حلال وعد بدو موتتك جية ضيف
ومثل موت الجمر لومتت مامش دم
بعدني ستوني احبك لو رحت معذور
الصور موش الجديده التوجع الاقدم
وجرحك موجرح فاله تنگش بالماي
بس تشيل ايدك يرجع ويلتم
موتت ناهبه ومامش حسافه اعليك
لا افرك اچفوف ولا اون وندم
اجيت ابلا تعب چنك ورث ميتين
لا تاعب بلمك ولانه المحزم
لكن رحت من ترد مامعذور
ليرد بالحرب خسران ماينشم
انه الواگف شمس بس انت واگف غيم
وي فكت عيوني گبالي تتهدم
ونصحتك من الاول گتلك انه انساك
شسويلك ولك ماترضه تتعلم
ينصحونه شكثر مايقنع الهادود
وتاليته يتوسل خاف مايسلم
مثل سفره فصل وتنمد اگبال الضيف
بفلوس التطلبه تعزب وتلتم
وگتلك ماتضل موتتك جيت ضيف
لان مثل الحطب لومتت مامش دم
للمبدع حيدر التميمي
